Министерството за внатрешни работи на Р. Македонија, во соработка со германските полициски служби пресече меѓународен канал за криумчарење кокаин од Јужна Америка кон Европа. Во рамки на заедничката оперативна обработка „Франкфурт“, спречена е испорака на наркотична дрога кокаин-паста на релација Перу, преку Германија кон Македонија како крајна дестинација. При тоа запленети се околу 2 килограми кокаин – паста, како и голема количина брендирана текстилна облека.
Вчера од страна на Единицата за борба против недозволената трговија со дрога До Основното Јавно Обвинителство – Скопје, поднесена е кривична пријава против Б.В.(44) и М.П.(39) двајцата од Скопје, поради основано сомнение дека сториле кривично дело „Неовластено производство и пуштање во промет на наркотични дроги, психотропни супстанции и прекурзори“. Второпријавената со доказниот материјал е изнесена пред Истражен судија кој на неа и на првопријавениот во отсуство им изрече мерка притвор во времетраење од 30 дена.
Малопродажната вредност на запленетиот кокаин се проценува на околу 200.000 евра. Се претпоставува дека запленетиот кокаин бил наменет за македонскиот пазар, односно за поимотни клиенти кои контактирале со второпријавената.
Ohridnews
