Пред неколку месеци (во јуни) пишувавме за незавидната состојба во која се најде споменикот на холандскиот писател од раните години на 20-тиот век – Арт ден Долард. Споменикот пред почетокот на летото беше саниран, но деновиве пак може да се забележи дека неодржувањето т.е. негрижата го зема данокот. Малтерот се рони сам од себе, а непосредната околина на споменикот е комплетно запуштена. Валкано е и цвеќињата се исушени.
Изграден што се вели „од љубов“ кон холандскиот народ и туристи беше најавуван како препорака за кам-бек на Холанѓаните во некогашната нивна дестинација, Охрид. Ентузијасти го изградија, но како и многу други работи во земјава – секое чудо за три дена. Заради немање добра волја за одржување (кое веројатно не бара ни многу пари ни многу време) пропаѓа една благородна идеја. Штета.
Спаско Костоски
