Репрезентацијата на Шпанија по се изгледа нема по добро да го памети настапот на СП во ракомет за Јуниорки во Македонија.
Шпанската ракометна репрезентација за време на престојот во хотелот “Дрим“ – Струга била олеснета за 30 000 денари. Крадците го искористиле времето кога репрезентацијата го играше натпреварот во спортската сала во Охрид против Хрватска, да влезат во една од собите и да однесат со себе се што им се видело вредно.
Случајот го потврди и охридската полиција. Од таму велат дека на 30-ти минатиот месец во попладневните часови Лена Нереа од Шпанија која престојувала во хотелот пријавила кражба која се случила во нејзината соба бр 106 во периодот од 19-23 часот.
Според полицискиот извештај исчезнати се еден паричник со неколку шпански кредитни картички, здраствена легитимација, возачка дозвола и други лични документи, 60 евра, рачен часовник, еден прстен и една фото камера.
По три дена од пријавата на кражбата случаен минувач, жител на Струга, до хотелот Дрим ги пронашол документите и празниот новчаник но крадците и вредните работи сеуште не се пронајдени.
