На неколку месеци до истекот на мандатот, градскиот Совет реши да се зафати со сериозна работа и да ги дисциплинира охридските новинари. Незадоволни од тоа што тие самоволно влегувале и излегувале од седниците и ја попречувале работната атмосфера, советниците најавија дека во изднина повеќе тоа нема да го толерираат. Така според најновиот предлог подржан од претседавачот на советот новинарите кои сакаат да ги следат седниците на советот во иднина ќе немаат право да излегуваат од седниците се до нивно завршување. Како тие ќе ги праќаат своите извештаи во редакциите и ќе ја информираат јавноста за текот на расправата и донесените одлуки никој не објасни.
Треба да има ред и се разбира истиот да се почитува, но за каков ред тоа се залагаат советниците кога не се обезбедени елементарните услови за непречено следење на седниците и известување од нив, беа првите коментари на изненадените колеги.
