Советот на општина Охрид денеска ќе одржи вонредна седница на која единствена точка на дневен ред е Информацијата за состојбите со Охридското Езеро и користење на плажите на крајбрежјето.
Советот на иницијатива на ВМРО НП , на последната седница расправаше за состојбата на плажите при што ја задолжи општинската администрација да побара информација од надлежното министерство за транспорт и врски дали концесионерите ги почитуваат договорите за закуп на плажите. Тие имаа сериозни забелешки на начинот на кој закупците стопанисуваат со плажите и сметаат дека дел од нив го уништуваат крајбрежјето. Затоа тие предложија да се донесе Декларација за заштита на Охридското Езеро за што ќе се дискутира на денешната седница.
ohridnews
