Охриѓанецот И.К.(54) од Охрид е во триесет дневен притвор, поради тоа што физички ја малтретирал својата вонбрачна сопруга Ф.А.(35) нанесувајќи и тешки телесни повреди.  Но таа наместо да го пријави за насилство, на полицијата и раскажала лажна приказна, дека наводно непознат маж ја силувал.

Со превземените полициски мерки од СВР Охрид, утврдиле дека жената лажно пријавила во полиција, по што таа и нејзиниот сопруг  заработиле соодветни кривични пријави.

Истрагата утврдила дека  на 26 март 2010 година, во куќата на сопружниците  во Охрид , И.К. под дејство на алкохол физички ја нападнал Ф.А. нанесувајќи и тешки телесни повреди по телото и лицето, по што наредниот ден малтретираната,  во СВР Охрид,  лажно пријавила дека од непознато лице била силувана.

OhridNews