Сообраќајот на сите магистрални и регионални патни правци низ државата се одвива без забрани по претежно влажни коловози, сопшти Автомото сојузот на Македонија.
На планинските превои Стража и Маврово се бележат слаби врнежи од снег и остатоци на коловоз. Поради ниските температури и влажноста на коловозите, има појава на голомразица. На возачите им препорачуваме крајно внимателно возење, прилагодување на брзината на движење на влажните коловози со појава на голомразица, и одржување на потребното растојание помеѓу возилата. Внимателно и на почестите поситни одрони низ клисурите и засеците, особено на патниот правец Маврово – Дебар каде е најчеста појавата на одрони и лизгања на земјиште. Интензитетот на сообраќајот е зголемен надвор од градските средини, особено кон зимските туристички места.
Ohridnews
