Денеска во 00.20 часот во СВР Охрид било пријавено дека на магистралниот пат Кичево- Струга се случила сообраќајна несреќа помеѓу патничко моторно возило „фолксваген“ со охридски регистарски ознаки, управувано од 75 годишно лице од Охрид и патничко моторно возило „мерцедес“ со прилепски регистарски ознаки, управувано од 24 годишно лице од с.Обршани, прилепско.
Во несреќата со тешки телесни повреди се здобил возачот на возилото „фолксваген“, а со телесни повреди се здобила сопатничка од истото возило, 57 годишна жена од Република Албанија, констатирани во специјалната болница „Св.Еразмо“ во Охрид, информираат од СВР Охрид.
Извршен бил увид од увидна екипа од СВР Охрид.
OhridNews
