Собранието на Република Македонија денеска ќе расправа за Измените на Деловникот за работа, што беа причина за меѓупартиски расправии и неколкунеделен бојкот на комисиските седници во Парламентот. До приближување на ставовите дојде откако лидерот на СДСМ Бранко Црвенковски минатата недела најави дека партијата се повлекува од своите барања во однос на Деловникот и оти ќе го прифати во форма како што ќе го предложи владејачкото мнозинство.
Една од клучните измени во Деловникот е опозицијата да може да предлага точка на дневен ред на секоја втора пленарна седница.
Парламентарното мнозинство и опозицијата досега не можеа да се услогласат околу измените на Деловникот, што од претставниците на меѓународната заедница беше оценето како застој во политикиот дијалог пред објавувањето на претстојниот годишен извештај на Европската комисија за Македонија.
OhridNews
