Со „Светот на Биби“ денес на градскиот плоштад започнува Новогодишната програма во организација на Општина Охрид.
Ве покануваме на предновогодишна суперзабава. Ќе се забавуваме, ќе пееме, ќе танцуваме, ќе играме и ќе се дружиме. Бидете таму. Се гледаме, другарчиња. Ќе биде волшебно, велат од Светот на Биби.
Утре на плоштадот ќе се одржи театарската претстава „Ракавиците на Дедо Мраз“, а на 30-ти декември детската претстава „Далматино и Дедо Мраз“. На 31 декември на плоштадот ќе биде одржан музичко – театарскиот спектакл за деца и млади „Новогодишна детска бајка“.
Сите случувања кои се дел од Новогодишната програма, а се посветени за најмладите ќе започнуваат во 12:30 часот, информираат од Општина Охрид.
За забавниот дел на дочекот на Новата Година на градскиот плоштад во Охрид ќе се погрижат диџеите Јана Слеј и Багзи, Татјана Стефановска, групата ДНК, Нино Величковски и групата „Фортуна“. Почетокот е закажан за 21:00 часот.
На 1-ви јануари 2024 г. точно на пладне ќе настапат групата „Балкан џем“ и Драган Мијалковски.
OhridNews
фото. Светот на Биби
