Во текот на последните 24 часа на Клиниката за инфективни болести во Скопје се хоспитализирани 12 нови пациенти со симптоми на грип и таму во моментот се лекуваат 88 пациенти. Здравствената состојба на сите новопримени пациенти е стабилна, освен кај четири лица со потешка форма на пневмонија, кои се уште се поставени на асистирана вентилација, соопшти Министерството за здравство.На инфективното одделение во Воената болница се хоспитализирани уште двајца нови пациенти, а вкупно се хоспитализирани 18 лице со симптоми на грип.
На Клиниката за детски болести во Скопје во изминатото деноноќие се хоспитализирани 7 нови пациенти и таму во моментов болнички се лекуваат 51 дете на возраст од шест месеци до пет години. Сите новопримени пациенти се во стабилна здравствена состојба, освен едно дете со потешка форма на пневмонија.
На Институтот за белодробни заболувања кај децата-Козле, во изминатото деноноќие се хоспитализирани уште 4 нови пациенти со полесна форма на пневмонија и таму во моментот се лекуваат 41-но дете, информираат од Министерството за здравство.
Ohridnews
