Со претставата „Енергични луѓе“ ќе се одбележат 11 години од првата одиграна премиера во Народниот теaтар Охрид

По повод 11 години од првата одиграна премиера во Народниот театар Охрид во петок на 3-ти јуни ќе се одигра претставата „Енергични Луѓе” – според Василиј Шукшин, а во режија на Александар Ивановски.

Во претставата играат Никола Тодороски, Биљана Билаловиќ Вељаноска, Горан Стојаноски, Стрезо Стаматовски, Павел Маслов и Адријана Билаловиќ Тодороска.

Претставата, иако сместена во социјалистичките 70-ти од минатиот век, е исклучително актуелна, со заплет кој носи урнебесен расплет, кој освен што до солзи ја насмејува публиката праќа и квалитетна порака за одредени општествени моменти кои се на некој начин многу важни.

Почетокот на претставата е закажан за во 20 часот, картите по цена од 200 денари се пуштени во продажба на билетарата при НУЦК “Григор Прличев” – Охрид.

Телефон за резервации 046/261-063, 075/283-066.

OhridNews