Координативното тело за формирање на Здружение на граѓани за утврдување на вистината за потонувањето на бродот „Илинден“ денеска ги интензивира подготовките со собирање потписи за истрага без притисоци.Формуларите за петицијата се подготвени и се очекува по усвојување од страна на координативното тело да бидат изнесени пред јавноста.
Иницијаторите бараат истрагата за несреќата да се врши објективно, без политички притисоци и без влијание на настаните кои во изминатиот период ги обременуваат односите помеѓу Република Македонија и Република Бугарија.
Координативното тело најави дека наскоро ќе стапи во контакт со семeјствата на настраданите бугарски туристи кои ќе бидат повикани на заедничка средба во Охрид.
Бродот „Илинден“ на 5-ти септември потона во водите на Охридското Езеро при што се удавија петнаесет бугарски туристи. Посадите на бродовите кои пловат на Охридското Езеро бараат истрагата во регуларна постапка, во која ќе се земат во предвид изјавите на сите очевидци, да ги открие вистинските причини за несреќата со цел ваква трагедија да не се случи никогаш повеќе.
Ohridnews
