Со лихварска шема од охриѓанец одземени десетици милиони денари

Охриѓанка од сограѓанин изнудила 44,9 милиони денари. Според МВР се работи за лихварска шема во која било инволвирано уште едно лице.

СВР Охрид поднел кривична пријава против 39-годишна охриѓанка, поради постоење основи на сомнение дека сторила едно продолжено кривично дело „поттикнување“, а во врска со кривичното дело „лихварство“, како и против 35-годишен жител на Охрид, поради постоење основи на сомнение за сторено продолжено кривично дело „помагање“, а во врска со кривичното дело „лихварство.

Првопријавената во временскиот период од 2020 до 2024 година, со умисла поттикнувала, примала и за себе договарала несразмерна противправна имотна корист од жител од Охрид, при што од него изнудила 44.976.415 денари, кои ги префрлала на сопствена, но и на сметка на второпријавениот и уште едно лице од Охрид. Второпријавениот во периодот од 2020 до 2024 година, со умисла помагал, договарал, примал и посредувал за себе и за првопријавената противправна имотна корист од оштетеното лице, при што, од него биле изнудени 26.579.000 денари, соопшти МВР.

OhridNews
Фото: Илустрација