Во текот на вчерашниот ден, во СВР Охрид, пријавен бил случај на измама. Како што информира портпаролот на СВР Охрид Стефан Димовски, едно лице, лажно претставувајќи се дека е директор на туристичка агенција, во два угостителски објекти во Охрид, сторил измама поврзана со поголема група туристи.
Сличен случај, на 18 јануари, во полициската станица Дебар, пријавил и сопственик на ресторан во Дебар, а на 16 јануари, стопанственик од истиот град, пријавил измама поврзана со нарачка на поголема количина лим.
-Потсетуваме дека во изминатиов период регистрирани се пријави од повозрасни граѓани кои пријавиле измама од лица кои нуделе набавка на огревно дрво по значително пониски цени. Ги известуваме физичките и правните лица, да внимаваат и да не наседнуваат на вакви и слични понуди од непознати лица и истите да ги пријават во најблиската полициска станица. – истакнува Димовски.
СВР Охрид презема мерки за пронаоѓање на сторителите.
OhridNews
