Со „Импровокација“ утревечер започнува „Summer Comedy Marathon“

Со шоуто „Импровокација“ утревечер започнува годинешното издание на „Summer Comedy Marathon“ кој ќе се одржува до 13 август во Охрид.

Култното шоу во кое додека не започне никој, дури ни изведувачите не знаат што ќе се случи, повторно се враќа на својата матична сцена Народен Театар Охрид – мала сцена со почеток во 20 часот. Неверојатна театарска импровизација која веќе 8 сезони се случува секогаш премиерно затоа што вие предлагате во која насока ќе се одвива шоуто, велат организаторите.

За трајното задоволство ќе се погрижат импровокаторите: Стрезо Стаматовски, Никола Тодороски, Филип Кипровски, Никола Јосифоски и Филип Ангеличин Жура.

Карти може да се купат онлајн на страната www.hahaha.mk или да се резервираат и на телефонскиот број 075 283 066.

Инаку, во програмата на „Summer Comedy Marathon“ годинава се 21 шоу од кои дел се веќе познати на публиката, стандардни, но во обновена форма. Публиката ќе може да ужива во квалитетна понуда со домашни локални изведувачи, но и со гости од надвор.

OhridNews