Викендов светски познатиот џез и фанк музичар Владимир Четкар одржа бесплатен концерт на плоштадот Св. Климент Охридски во Охрид, во рамки на празничниот културно-забавен проект “Охрид ве Очекува” во организација на Општина Охрид.
Четкар на овој попладневен концерт настапи со својот џез, соул и фанк ансамбл: Ѓоле Максимовски – бас гитара, Сара Николовска и Ана Костадиновска – придружни вокали, Филип Стевановски-тромбон, Виктор Филиповски-тапани, Демир Кантуровски-труба, Игор Величковски- тенор саксофон, Ратко Даутовски – прекусии и Филип Димисковски – клавијатури.
И покрај неповолните временски услови, дожд и ветар, Владимир Четкар и неговото друштво на охриѓани и гостите им приредија одлично музичко доживување.
OhridNews
фото: Мега продукција
