Патот Маврово – Дебар и Битола – Ресен се затворени за сообраќај во двата правци поради обилни врнежи на снег.
Поинтензивни врнежи од снег се забележани на превоите Стража, Буково, Ѓавато, Плетвар, Пресека, каде врнежите се задржуваат на коловозот и го отежнуваат нормалното одвивање на сообраќај. Внимателно возење се препорачува и на патните правци Крива Паланка – граничен премин Деве Баир и Струга – граничен премин Ќафасан, каде исто така има врнежи од снег.
Според информациите поради снегот до пладне низ републиката биле регистрирани десетина сообраќајни несреќи. Поради тоа им се препорачува на возачите исклучително внимателно возење и прилагодување на брзината кон моменталните услови на правците преку планинските превои. Внимателно и низ клисурите каде има почеста појава на одрони.
Ohridnews
