Филмот “Slumdog millionaire”, кој на овогодинешното доделување на Оскарите се закити со осум Оскари, вклучувајќи го и тој за најдобар филм, го премина прагот на заработка од 200 милиони долари, што се смета за голем успех на една независна продукција.
“Slumdog millionaire” до сега има заработано 217 милиони долари во кината ширум светот, но само во текот на викендот по доделувањето на Оскарите, инкасирал 12 милиони долари, за 43% повеќе од минатиот викенд.
За споредба, минатогодишниот добитник на Оскар за најдобар филм, “Нема земја за старци“, заработил во светските кина нешто помалку од 162 милиони долари.
