Според Управата за хидрометеролошки работи времето во Македонија денеска ќе биде сончево и топло со мала до умерена локална облачност и со слаб до умерен ветер од источен и североисточен правец.
Утринската температура ќе се движи од 11 до 19, а дневната од 28 до 35 степени.
Во охридско-преспанскиот регион времето ќе биде сончево и топло со мала до умерена локална облачност, повеќе во попладневните часови со слаб до умерен ветер од источен правец. Температурата ќе достигне до 31 степен.
Од УХМР информираат дека следува период на стабилно, суво и топло време со постепен пораст на дневната температура.
OhridNews
