Претседателството на Меѓународниот и Македонскиот славистички комитет во знак на благодарност за придонесот и помошта во подготовките и одржувањето на 14-от Славистички Конгрес, кој се одржуваше во Охрид, му додели благодарница на охридскиот градоначалник Александар Петрески.
Благодарницата за она што Охрид и Локалната власт им го пружија на славистите-учесници на Конгресот, денеска, при престојот во Охрид, ја врачи Претседателот на Комитетот, Академик Милан Ѓурчинов.
14-от славистички Конгрес се одржа во Охрид од 10-ти до 16-септември 2008-та година. На овој еминентен научен собир беа презентирани над 700 трудови на слависти од 40 држави. Конгресот помогна да се утврдат правците на идниот развој на славистичката наука.
OhridNews
