Според старите охридски обичаи, со слатко од смокви, леблебија и суво грозје, визитарски слатки, ракија, вино и охридска староградска песна, Младински Совет Охрид, синоќа во куќата на Робевци ги пречека и им оддаде признание на најголемите донатори на младинските програми кои имаат за цел подобрувањето на секојдневниот живот на младите во Охрид.


Иницијативата за возобновување на една стара охридска традиција, ја поздрави директорката на охридскииот Завод и Музеј Тања Паскали – Бунташеска, која истакна дека овој настан е почеток на едно ново партнерство од кое ќе произлезат уште многу други проекти преку кои ќе се промовираат културните, духовните и материјалните вредности на Охрид.


Претседателот на Младинскиот совет, Димче Каневче, се заблагодари на донаторите за континуирана поддршка на работата на организацијата. Тој истакна дека е посебно горд на Охридската визита, затоа што на специфичен начин им се оддава благодарноста која ја заслужуваат донаторите.



Од охридската визита

Ohridnews