Со прво место во дициплината мешани двојки се закити најдобриот македонски репрезентативец Пујовски кој во друштво на бугарката Стоева ги совладаа Иванова – Балкански од Бугарија со 2-1 (21-19,19-21,21-17).
Во сингл Пујовски мораше да се задоволи со трето место откако во полуфиналето загуби од турчинот Доган со 2-1 (21-18, 5-21, 21-18). Победник во оваа категорија беше бугаринот Шишков кој во финалето го совлада Доган со 2-1.
Партнерката на Пујовски, бугарката Стоева тримфираше во женскиот сингл совладувајќи ја нејзината сонародничка Иванова со 2-0 (21-14, 21-11).
Во машки двојки победи тандемот Деми-Курт од Труција, додека во женски двојки победија турчинките Кикич – Бенк.
– Не сум задоволен од постигнатите резултати. Очекував многу повеќе од овај шампионат.- кратко ни изјави селекторот Тасевски Горан.
