Силен земјотрес десет минути пред полноќ беше почувствуван во Охрид. Тресењето на земјиштето траеше 10-15 секунди, а според првичните неофицијални информации, земјотресот бил почувствуван речиси на целата територија на Македонија.
Според првичните информации што ги соопшти Европскиот центар за земјотреси, јачината на земјотресот изнесува 5,4 степени според Рихтерова скала,а епицентарот е во Албанија 45 километри северо-источно од Елбасан и 13 километри југо-западно од Дебар.
Уште еден послаб земјотрес со јачина од 3,6 степени според Рихтер е регистриран во 00.01 часот во истото епицентрално подрачје.
Засега нема информации за евентуална материјална штета или повредени.
Ohridnews
