Русија заплени дел од оружјето и воената опрема на САД и НАТО кои останаа на бојното поле во Украина и ги испраќа во Иран, пишува Си-Ен-Ен повикувајќи се на четири извори. Изворите велат дека САД веруваат дека Техеран ќе се обиде да направи сопствена верзија на оружјето.
Во текот на изминатата година, претставници на САД, НАТО и другите западни претставници забележаа неколку случаи кога руските сили заплениле опрема за оружје, вклучително и противтенковски системи „Џавелин“ и противвоздушни системи „Стингер“, кои украинските сили повремено биле принудени да ги оставаат на бојното поле, рекоа извори за Си-Ен-Ен.
Изворите наведуваат дека во многу од тие случаи Русија со авион испратила оружје и опрема во Иран за расклопување и анализа. Тие сметаат дека тоа го направиле за иранската армија да се обиде да направи своја верзија на тоа оружје. Русија верува дека континуираните испораки на запленето западно оружје за Иран ќе го поттикнат Техеран да ја задржи својата поддршка за руската инвазија на Украина, велат изворите.
OhridNews
