Кошаркарите на МЗТ Скопје Аеродорм изборија пласман во финалето на плејофот каде ќе ја бранат шампионската титула, откако во Кавадрци го совладаа Фени индустри со 84:77 и ја решија полуфиналната серија со максимални 3:0.
Дејвис со 28, Гечевски со 20 поени и 10 скокови и Дамјан Стојановски со 17 поени го предводеа МЗТ до победата. Трајковски со 18 и Соколов со 17 поени беа најефикасните играчи во тимот од Квадарци.
Работнички во серијата со Кожув го намали резултатот на 1:2, откако на домашен терен забележа победа со 95:87.
Екипата од Градски Парк прашањето на победникот го реши со фуриозната прва четвртина која ја доби со 31:12. Шарпер постигна 20, а Зивчевиќ 16 поени за Работнички, додека кај Кожув се истакнаа Караџовски со 16 и Филиповиќ со 15 поени.
“Макфакс“
