Со 33 поени Кејд Дејвис го предводеше МЗТ Скопје до втората победа (89-81) во финалната серија против Кожув во кошаркарската Супер лига.

Со триумфот на гостински терен “штрковите“ ја направија можеби клучната победа во шампионската трка. Следниот натпревар се игра на теренот од МЗТ Скопје и со евентуална победа ќе биде на чекор од одбраната на титулата.

Покрај Американецот во составот на МЗТ расположен за игра беше Гечевски, кој постигна 20 поени, а одличната вечер за “белите“ ја комплетираше Чековски со 14 кошеви.

Во поразениот состав најпрецизен со 17 беше Петковиќ, но тоа беше премалку за прва победа против актуелниот првак.

Мх.П.
Фото : “Мкд.мк“