Унијата на стечајни работници в понеделник ќе почне штрајк со глад. Преку штрајкот Унијата на стечајци ќе се обиде да издејствува Собранието да го донесе Предлог законот за материјално обезбедување на невработени лица поради приватизација на претпријатијата со општествена и државна сопственост.Тоа го најави вчера на прес-конференција претседателката на Унијата на стечајни работници Лилјана Ѓеоргиевска.
Според Ѓеоргиевска, претседателството и членовите на Унијата ќе штрајкуваат во Куманово, каде е седиштето на нивното здружение.
Со законот се предвидува стечајците со 15 години работен стаж и над 50 годишна возраст за жени и 53 за мажи, да добиваат месечен паричен надомест до следно вработување или пензионирање. Примената на законот, тврди Ѓеоргиевска, годишно ќе го чини државниот Буџет милион и 600 илјади евра.
Предлог законот за материјално обезбедување на невработени лица поради приватизација на претпријатијата со општествена и државна сопственост вчера не доби поддршка од собраниската Комисија за труд и социјална политика, по што раководството на УНИТ ја донесе одлуката за штрајк.
Ohridnews
