Вашата козметичка торбичка е секогаш со вас, бидејќи ви е невозможно да замислите да одите некаде без резервен сјај за усни, сенка, руменило или мало огледалце. Некои жени козметичките торбички не ги носат со себе, но секогаш внимаваат внатре да има се што може да им притреба.
Дали сте и вие една од оние кои неможат да замислат празна козметичка торбичка? Одговорот е да, бидејќи има малку жени кои не водат сметка за шминкањето и за тоа колку пудра им останала пред да одат во набавка по нови козметички производи.
Многу козметички торбички во себе имаат и повеќе од што им е потребно. Имаат две или три руменила со изминат рок на траење, или кармин за кој не сте сигурни кога последен пат сте го ставие, бидејќи сјајот за усни во последно време ви е многу подраг. Во торбичката може да има и неколку четкички од кои на секоја може да се видат траги од руменило или бронзер. Кога ќе ја отворите торбичката, сетете се на хигиената и колку е важно да се внимава што се се става на лицето. Акните може да бидат резултат на недоволна хигиена. Четкичките би требало да ги миете на секои три месеци. Измијте ја убаво четкичката. Исцедете ја и ставете ја во најдобра положба за сушење. Ако забележите дека на четкичката фалат многу влакна, време е да ја промените. Во торбичката не ви требаат повеќе од две четки.
Важно е на декларацијата да го читате датумот кој е назначен како краен рок до кој морате да го потрошите одредениот производ. Маскарата и тушот за очи би можеле да бидат легло на бактерии и ако не се внимава, следува очна инфекција. Во торбичката ви требаат производи кои често ги користите. Настојувајте редовно да проверувате што се имате внатре и што повеќе не ви е потребно. Од торбичката треба да исфрлите се што е со изминат рок на траење.
