Најголемото забавно шоу во Охрид „Зимска бајка“ вечерва ексклузивно ќе се емитува на Охридњуз и на дигиталните платформи на порталот на YouTube и социјалните мрежи.

Сите кои не успеаја да стигнат до карта за шоуто или не можеа да го проследат од разни причини, ќе имаат можност да ја почувствуваат магијата на најголемиот културно-забавен настан во градот надвор од сезоната.

Охридњуз како празничен подарок вечерва во 22:30 часот ќе емитува снимка од „Зимска бајка 2024“ која ги врати охриѓани во 90те години.

Оригинални и спонтани во настапот домаќините на шоуто неповторливите Никола Тодороски и Стрезо Стаматовски, алијас „2Mothers Brothers“, со креативен хумор и длабоки пораки потсетија на трновитиот пат кој македонската држава го изоде во деведесеттите години.

Бендот на „Зимска бајка“, со вокалите Каролина Турикашевска и Христијан Тоневски, оваа година беше засилен со гудачки квартет, дувачки солисти и хорот „Вокс Лихнидос“ и изведоа дел од големите светски хитови на музичари од 90-те години како Ерос Рамазоти, Тина Тарнер, Рики Мартин, Металика, Аеросмит…

Гостин на вечерта беше извонредниот црногорски стендап комичар Андрија Дабановиќ кој воспостави одлична комуникација со публиката која уживаше во неговиот настап.

Настанот го помогнаа Општина Охрид, АСП ПАК, ПЕ ЛОГИСТИК, Хотел Чинго, Печатница Коста Абраш, Digital Box, Explore Ohrid, Трпе Инвест, Оригинален охридски бисер Талеви, Стоматолошки центар Др. Баткоски, Аптеки Виа Фарм, Пицерија Леонардо, Вила Пупин, Хотел и спа Тино – Охрид, ОДВ ЕЛЕКТРИК, Винарија С&С, ПАП – Охрид, Гостилница Боем, ЗАМП, Куба Либре, Филигран Укоески, Кадмо бар, Оригинален охридски бисер Филеви, Дискотека Инклузивив, Хотел Белведере, Вила Бисера, Жито леб – Охрид, Топ Маркет, Џелатерија Ночолино, Кармен Бауцентар Охрид, Ресторан Острово, ЈП Билјанини извори, Бутик Емили. Организаторот упати голема благодсрност до сите нив како и до Центар за култура „Григор Прличев, Црвен крст, СВР Охрид, како и до бројните волонтери, учесниците и ентузијасти кои помогнаа за успешна организација на настанот.

Наскоро OhridNews, ќе ја промовира и Годишната ревија на настани во која ќе бидат поместени најзначајните случувања од 2024 година.

OhridNews