Македонскиот првак Шкендија ќе игра против хрватскиот претставник Хајдук во 1. квалификациско коло во младинската Лига на шампиони, одлучи денешната жрепка во седиштето на Европската фудбалска асоцијација (УЕФА) во Нион. Шкендија ќе биде домаќин на првиот натпревар на 20 септември, а реваншот е на програмата на 29 октомври во Сплит.
Поуспешниот од пресметката меѓу Шкендија и Хајдук во 2. квалификациско коло, кое ќе се игра на 3 и 24 ноември, за противник ќе го има победникот од двомечот меѓу Даугвалпис од Литванија и белорускиот ФК Минск.
За младинците на Шкендија ова ќе биде трето последователно учество во Лигата на шампиони на УЕФА, чие издание минатата сезона беше откажано поради пандемијата на коронавирус, и можност за прв пат да го минат воведното квалификациско коло.
OhridNews
