Според Билтенот на МВР изминатиот викенд  на подрачјето на СВР Охрид  регистрирани  се две кривични дела ,,Кражба“, четири кривични дела ,,Тешка кражба“, две  кривични дела ,,Оштетување“, едно кривично дело,, Телесна повреда и загрозување на сигурноста при семејно насилство“, и едно кривично дело ,,Загрозување на сигурноста при вршење на семејно насилство“.  Јавниот ред и мир е нарушен во 3 случаи  а евидентирани се 3 сообраќајни незгоди   во кои е  предизвикана материјална штета. Од страна на полициските службеници, едно лице е фатено  при вршење на кривично дело „Тешка кражба во обид“. 

На подрачјето на Полициската станица – Кичево, регистрирано е едно  кривично дело „Тешка  кражба“, две кривични дела ,, Кражба во обид“ и три кривични дела ,,Кражба“. Во истиот период се случило и едно оштетување и  вкупно 5 сообраќајни незгоди  со предизвикана   материјална штета.

На станичното подрачје  Струга, евидентирани се три кривични дела ,,Тешка кражба“, три кривични дела ,,Кражба“ и едно кривично дело ,,Тешка кражба во обид“. Во анализираниот период, регистрирани се две нарушувања на Јавниот ред и мир и  три сообраќајни незгоди со предизвикана материјална штета.
На подрачјето на Полициската станица Дебар, регистрирана е една сообраќајна незгода со помала материјална штета.
Против сторителите на кривичните дела ке бидат поднесени  соодветни пријави.

ohridnews