Шест години „Импровокација“, во петок роденденско шоу

Пред шест години, на “керал” сцената во Народен Театар Охрид се роди шоу, чија цел беше преку импровизација да ја демифистицира магијата на создавање театарски игри и да ја доближи театарската уметност поблиску до публиката.

Шоуто, заради својата оригиналност, непосредност и забава веднаш беше прифатено од публиката и веќе шест години редовно се изведува, а тоа што го прави да биде секогаш различно е самата публика, која активно преку свои предлози ја креира содржината на игрите.

Среќни сме да објавиме дека најпопуларното шоу меѓу политичарите слави шест години. Шест години импровизираме и ја демистифицираме магијата на создавање театарски игри заедно со Вас. – велат охридските импровокатори.

Актерите од Охридскиот Театар, Стрезо Стаматовски, Филип Кипровски и Никола Тодороски, потпомогнати од Филип Ангеличин – Жура и Никола Јосифоски ве канат на уште една нова Импровокација со роденденски шмек, во петок, 4 март во 20:00 часот, на малата сцена на Народен Театар Охрид.

Ве каниме на уште една незаборавна, спонтана, забавна и смешна „Импровокација“, порачуваат актерите.

Картите се веќе пуштени во продажба, а резервација може да се направи и бројот 075283066. Истите се  по цена од 250 денари. Настанот ќе се одвива според протоколите за заштита од Ковид-19.

OhridNews