Шест армии пристигнаа во Охрид

Претстaвници на шест армии од регионот пристигнаа во Охрид каде денеска ќе земат учество на Првиот воен атлетски маратон што ќе се одржи во склоп на традиционалниот Охридски атлетски маратон.

Тие вчера продефилираа низ центарот на Охрид предводени од воениот оркестар на АРМ, привлекувајќи го вниманието на граѓаните.

Војници од   БиХ, Хрватска, Словенија, Србија, Црна Гора и Македонија ќе земат учество на првиот воен маратон чие мото е „ Спорт за сите мир и стабилност преку спорт“. Нив на свеченоста што се одржа на плоштадот во центарот на градот ги поздрави заменик началникот на ГШ АРМ, генерал Насер Сеиди, кој истакна дека преку спортот армиите се доближуваат до  граѓаните промовирајќи ја така заложбата за мир.

Воените маратонци ќе се натпреваруваат заедно со спортистите од регионот на 33 километри долгата патека од Св. Наум до Охрид.

Ohridnews