Бранителот на трофејот Фени Индустри како гостин го совлада Фершпед Работнички со74-71 и ја изедначи финалната серија на 2-2 .

Натпреварот го одбележаа небројните “неизнудени“ грешки на кошаркарите но и личните грешки по што дури седум играчи пред време го завршија натпреварот.

Трагичар на мечот е центарот на Работнички Тони Симиќ, кој во последната секунда од мечот играше недозволено над обрач по ударот на Прековиќ. Дали ќе беше или не тројка, воопшто не е важно бидејќи судиите се одлучија да ги признаат поените на Прековиќ бидејќи топката имаше слегувачка патека.

Наредниот натпревар од серијата се игра во Кавадарци, в среда.

М.П.