Училиштата во Струга ќе ги зголемат мерките на безбедност по серијата немили настани и инциденти што се случија минатата недела.
Од пред ОУ „Браќа Миладиновци“ во петокот имаше обид за киднапирање на третодделенецот Арди Бектеши, а во средните училишта „Нико Нестор“ и „Ибраим Темо“ се случија две масовни тепачки меѓу ученици Македонци и Албанци.
Директорот на ОУ “БраЌа Миладиновци“, Агни Неџипи, вели дека како училиште ќе ги засилат мерките за обезбедување на учениците. „Ќе ги преземеме сите мерки ова да е последен ваков инцидент и никогаш да не се повтори, а од МВР очекуваме да го реши случајот“, вели Неџипи.
Директороката на Средното училиште „Нико Нестор“, Мирјана Докоска, е загрижена од, како што вели, се позачестените пресметки меѓу ученици од различна етничка припадност.„Постои загриженост кај родителите за безбедноста и сигурноста на учениците, и затоа ние ќе реализираме родителски средби со сите класови, за да се проговори за ова прашање и да се апелира до сите родители да влијаат кај сопствените деца.Често пати една обична провокација знае да се претвори во мегусебен конфликт“, вели Мирјана Докоска.
Загрижени се и училишните психолози. Проблем е што сите од учесниците во инцидентите се малолетници што е причина повеќе институциите на државата да преземат соодветни мерки за нивна заштита, велат психолозите.
Мики Трајковски
