Репрезентацијата на Сенегал е освојувач на Купот на Африка, откако во финалето, што се одигра вечерва во Јаунде, Камерун, го совлада Египет по изведувањето пенали.
Во регуларниот дел немаше голови, а за тоа најзаслужен беше фантастичниот египетски голман Мохамед Абу Габал, кој во 6та минута го одбрани пеналот што го изведе ѕвездата на Ливерпул Садио Мане.
Сенегал беше подобар противник, имаше повеќе од играта, но одлично организираниот Египет предводен од Мохамед Салах чекаше на своите прилики, а ги имаше неколку од прекин.
Во пенал рулетот Абделмонен и Лешин кај Египет не реализраа од белата точка, а Сар кај Сенегал за конечни 4:2.
За Сенегал ова е прва Титула на Африка купот во третото финале. Египет и натаму е најуспешна нација со 8 освоени трофеи.
За најдобар голман на турнирот беше прогласен чуварот на мрежата на Сенагал и Челзи Едуард Менди, кој прими само еден гол од игра на турнирот. Најдобар стрелец е Венсан Абубакар од домаќинот и третопласирана репрезенрација на Африка купот, Камерун, со 8 постигнати гола, а за играч на турнирот е прогласен Садио Мане од Сенегал.
Г.М.
