Семејството на Мајкл Џексон сака целосно да ја расветли смртта на најголема поп икона на сите времиња. Какви сознанија имаат браќата, сестрите и родителите на Мајкл, не е познато, но се чини дека во последните часови од животот на големиот пејач се случувало многу повеќе отколку што се нудеше во информациите кои стигнуваа до јавноста.
Семејството според американските медиуми побарало втора обдукција и мислење од независен лекар, но засега не се знае дали тоа ќе се случи. Истите медиуми пренесуваат и дека семејството не им верува на адвокатите на Мајкл Џексон кои наводно криеле информации од нив, а персоналот на починатата ѕвезда ја спречил мајката да ја собере неговата облека.
Претходно се појавија информации дека Мајкл прд да почине примил коктел од силни седативи, кои можеби се причина за смртта на легендарниот пејач. Вистинските причини треба да ги откријат резултатите од обдукцијата кои ќе бидат познати за неколку недели.
Ohridnews
