Селма Хајек е уверена дека поради мексиканскиот нагласок пропуштила некои многу важни улоги на почетокот на кариерата. Актерката била горда на своето потекло, но признала дека на 22 години, кога дошла во САД, добивала само улоги на слугинка или проститутка. Таа се присетила дека тој бил многу болен период за неа. Многу луѓе ја советувале да се врати во Мексико, да се омажи и да основа семејство.
Исто така била уверена дека не добивала улоги бидејќи режисерите повеќе сакал плавуши без чуден нагласок. Сепак, во 1995 година дошло и нејзиното време и улогата во Десперадо заедно со Антонио Бандерас, кога ширум и се отвориле вратите во Холивуд. Таа изјавила дека 18 години работела на самата себе како актерка, како би го стекнала почитувањето на другите. Било тешко, но успешно научила многу за филмската индустрија.
