Селекторот на “фалангата“, Ивица Обвран после мечот со Светскиот првак на домашен терен на пресконфeренцијата изјави дека не е задоволен од пристапот на одредени ракометари. Прв на удар се најде голманот Ристовски, а за негова замена е повикан Никола Митревски од Металург.
За македонскиот интернационалец во Бундес Лигата ова а не е прв пат да влезе во клинч со селекторот или да биде на негов удар. Тој на бараж мечот со Австрија за мундијалот во Шпанија самоволно ја напушти играта, и не се враќаше на паркетот иако тогашниот селектор Ѕвонко Шундовски го бараше тоа.
Македонската селекција во Шпанија покрај Ристовски во составот ќе ги нема повредените Филип Миркуловски, Недановски и Велко Марковски, а за капитенот Кирил Лазаров ќе се одлучи пред мечот дали ќе настапи против “златните момчиња“.
