Оваа година се одбележуваат петнаесет години од одржувањето на Меѓународната конференција за население и развој (International Conference on Population and Development – ICPD) во Каиро. Во 1994 година 179 земји од светот, меѓу кои и Република Македонија, ја поддржаа Програмата за акција чија што цел беше подобрување на сексуалното и репродуктивното здравје за сите. Иако преостануваат само пет години за да се исполнат дадените ветувања, многу влади во светот не успеа да ги постигнат поставените цели и со тоа да ги задоволат потребите на младите луѓе.
Поради тоа оваа година насекаде во светот се одржуваат активности чија што цел ќе биде да ги потсетат владите на ветувањата дадени пред 15 години, а кои се не исполнети.
По тој повод на 21-ви ноември невладината организација Х.Е.Р.А. и Црвениот крст – Охрид организираат трибина на која ќе биде промовирана младинската Декларација и ќе се презентираат програмите кои се насочени кон подобрување на сексуалното и репродуктивното здравје на младите во нашата земја.
Ohridnews
