Ли Лиангминг е професор по физика во едно училиште во кинескиот град Чонгкинг. Како би пристигнал на работа, прво трчал еден километар од својата куќа до езерото Ханфенг. Тогаш својата облека ја ставал во торба која не пропушта вода, се загревал десетина минути, па потоа влегувал во езерото како би испливал околу три километри до другиот брег, каде се наоѓало училиштето во кое работел. Неговиот потфат секојдневно го следеле љубопитните граѓани.
Секој ден пливал по 40 минути во еден, и исто толку во спротивен правец. Вели дека благодарение на тоа ги излекувал проблемите со дишните патишта, а стекнал и популарност меѓу своите ученици кои велат дека му се восхитуваат на храброста и духот.
