Меѓународниот прес институт (IPI) преку својата филијала во Виена, Организацијата на медиуми на југоисточна Европа (SEEMO) го осуди притворањето на македонските новинари Горан Момироски и Милена Ѓоргиевска од страна на грчката полиција во Лерин.

За организацијата е неприфатливо полицијата во една демократска земја да апси новинари.


„Ги повикувам грчките власти да ги почитуваат меѓународните стандарди за медиумска слобода и на странските новинари да им го гарантираат правото на слободна работа во Грција“, вели Оливер Вујовиќ, генерален секретар на организацијата.

Момироски и Ѓоргиевска, новинари на Телевизија Канал 5, односно весникот Вест, на 16-ти август беа притворени околу два часа во леринската полиција, откако беа приведени при обидот да го регистрираат процесот на вадење лични документи од страна на етнички Македонци.

OhridNews
извор: „Макфакс“