Капитенот Гоце Седлоски како еден од најискусните исто така со нетрпение како и соиграчите го очекува настапот в среда против Холандија. Седлоски за мечот зборува со доза на оптимизам но и внимателност.

– За нас најважно е да се сконцентрираме на нашата игра бидејќи сепак ние играме доста поразлично од Шкотска, знаеме и да ја задржиме топката и да нападнеме. Лично сум оптимист бидејќи ова ќе биде моја трета средба во Амстердам, со репрезентацијата одигравме 0-0, потоа со Динамо го совладавме Ајакс со 1-0 и би посакал оваа традиција да продолжи.

Седлоски кој е рекордер по борјот на настапи во дресот со националниот грб, смета дека најважно е да не се оптоваруваме со резултатот, а посебно треба да внимаваме на Робен кој е најопасен фудбалер кај “лалињата“.

– Што се однесува до атмосферата во тимот таа е солидна во што на вчерашниот тренинг можеше да се уверат и нашите навивачи и малубројните новинари. Сигурно во состојба со 23-ца играчи кои конкурираат за тимот сите сакаат да се наметнат и да го почувствуваат филингот на еден од најубавите стадиони во Европа- завршува Седлоски.

За мечот со Холандија црвено-жолтите се очекува да имаат подршка  од околу од 1500 македонски иселеници кои ќе бидат на трибините на Амстердам Арената.

OHRIDNEWS