Со механизација ангажирана од државните јавни претпријатија, утрово започна уривањето на нелегално изградениот објект пред трговскиот центар „Мавровка“ во Скопје, кој подолго време е во фокусот на јавноста, Надлежните институции со недели и мецеци си ја префрлаат одговорноста за случајот, а сопственикот не се јавуваше да го спроведе решението за уривање.
Дури откако почна уривањето, се јави сопственикот на објектот Мевљудин Алити. Тој се пожали дека денеска закажал прес-конференција за новинарите во 11.30 часот, а Владата почнала да го урива објекот пред тоа, пренесува „Независен“.
– Нека руши државата како што е научена да руши. Ми ги остави вработените без плата, семејството без леб – вели Алити.
Во однос на дозволата за градење, тој и неговиот адвокат се повикуваат на член 76 од Законот за градба, каде се вели дека за обнова на објект нема потреба од дозвола за градба. Тврди дека само за комуналии на општината ѝ има исплатено 4,7 милиони денари и најавува дека ќе ја бара правдата на суд, ако треба и во Стразбур.
OhridNews
извор: „Независен“
