Сопругите и девојките на шкотскиот фудбалски клуб Данди позирале за секси календар со кој помагаат клубот да се извлече од долговите. Шкотскиот второлигаш останал без 25 бода бидејќи управата на клубот не успеала да го плати данокот. Поубавата половина на играчите одлучиле да ја спасат кариерата на своите сопрузи и момчиња и снимиле календар на кој се фотографирале по долна облека.
Тие добиле помош и од официјалната новинарка на клубот Џеки Робертсон како и од Мис на клубот Данди, Маири Филп, кои се соблекле заедно со нив. Се надеваат дека календарот по цена од 10 фунти ќе почне да се продава од наредната седмица. Фудбалскиот клуб Данди има долга традиција. Основан бил 1893 година и последниве шест сезони настапувал во првата лига.
