Новиот македонскиот селектор Мирсад Јонуз, на македонската клупа ќе дебитира в сабота на “Филип II“ арената во Скопје против Норвешка. Играта на противникот не е енигма за довчерашниот предводник на надежети кој драгоценото искуство го стекнал од натпреварите против соодветната селекција. Кога Јонуз го предводеше тимот на Македонија под 21 г. дома ремизиравме 1-1, додека таму извлековме 0-0
– Дел од тие репрезентативците сега се во составот на “А“ тимот. Го познавме нивниот стил на игра, а од она што го забележав кај нив на мечевите кои ги прегледавме со Германија, Јужна Африка и Холандија е евидентиот пад и непостојаност во играта– вели Јонуз
Во составот на Норвешката селекција најзвучни имиња се Џон Арне Рисе од Рома, Гамст Педерсен од Блекбурн како и Џон Карју од Астон Вила.
– Нивни најопасен играч е корпулентниот напаѓач на Астон Вила, Џон Карју. За него подготвуваме посебна одбрана, ќе го ставиме во т.н сендвич, со што би го неутрлизирале во целост – завршува Јонуз. За разлика од Јонуз, Игор Митрески кој против Норвешка доколку се најде на тревникот ќе го одигра 54 натпревар во дресот со националниот грб, многу малку знае за норвежаните, но не е премногу насекиран за тоа.
– Малку ги познаваме норвежаните, деновиве дополнително ќе ја проучиме нивната игра, за нас најбитно е да ја наметнеме нашата игра, тие се гости па тие нека му ја мислат.
Денес и утре македонските репрезентативци ќе имаат двојна доза тренинзи додека в четврток заминуваат за Скопје.
М.Постоловски
