УО на Кошаркарската федерација на Македонија, на својата последна седница даде зелено светло екипите на Овче Поле и Баскет Прилеп да настапуваат во Првата лига, во новата сезона, со вајлд-карта и платена котизација од по 10.000 евра.
Конечниот став околу ова прашање ќе биде дефиниран по состанокот на Здружението на прволигашите кое смета оти средствата за добивање вајлд-карта треба да бидат повисоки од 10.000 евра.
Новина е и тоа што секоја прволигашка екипа во сениорска конкуренција ќе биде обврзана да пријави екипа до 20 години. Ако некој прволигаш го откаже настапот во новоформираната младинска лига, ќе мора да плати 3.000 евра.
OhridNews
