Градежна механизација деновиве уреди поголем простор од пресекот на улицата „Никола Карев“ со булеварот „Асном“ кон источната трансферзала.
Од локалната самоуправа информираат дека според ДУП улицата „Никола Карев“ започнува кај ОМУ „Методи Патче“ и завршува на пресекот со бул. „Асном“. Оттаму не прецизират дали започнатите градежни работи се во функција на патно поврзување на источната трансферзала, па останува отворена можноста да се работи за активности на приватен имот или уредување на просторот за друга намена.
Урбанизацијата на просторот помеѓу булеварот „Асном“ и источната трансферзала каде е предвидена изградба на 39 станбени објекти се очекува да започне многу скоро, бидејќи испитувањата што ги извршила Управата за заштита на културното наследство не утврдиле позначајни археолошки наоѓалишта на тој простор како што првично се претпоставуваше.
Ohridnews
