Додека повеќемина луѓе се обидуваат да побегнат од затвор, еден човек бил уапсен бидејќи се качувал на оградата од затворот за да влезе во него. Чуварите во затворот во Орегон повикале полиција кога го забележале човекот кој се качувал на оградата од надворешната страна, близу до местото каде што новите затвореници се спроведувале до келиите.
Од полицијата рекле дека човекот, кој бил под дејство на алкохол и марихуана, изгледал многу вознемирено. Тврдел дека се обидувал да побара помош од луѓето кои работат во затворот, а бидејќи никој не му одговорил на главниот влез, се обидел да влезе преку оградата. Го одвеле во центарот за детоксикација и против него ќе биде подигнато обвинение за недолично однесување и обид за провала.
